GWAMNATIN LEGAS TA BUDE GADAR THIRD MAINLAND BRIDGE

Gwamnatin Legas a Najeriya, ta bude babbar gadar da ta sada yankin tsibiri da kan tudun jihar ta kan ruwa, wato Third Mainland, wadda aka rufe ta a daren ranar Alhamis da ta gabata.

A ranar Lahadi, 26 ga Agusta gwamnatin ta Legas ta sanar da cewa da misalin karfe 5 na yammaci za ta bude gadar.

 An dai rufe katafariyar gadar ce, domin gudanar da bincike kan ayyukan sake karfafata da yakamata ayi, gwaje-gwajen da zuwa yanzu, injiniyoyi suka kammala, a cewar babban sakataren ma’aikatar Sufurin jihar ta Legas, Dakta Taiwo Salaam.

 Rufe gadar na gajeren lokaci dai ya haddasa samun cinkoson ababen hawa, a hanyoyin da suka koma bi domin zirga-zirga tsakanin manyan yankunan kan tudu da kuma tsibirin da ke jihar ta Legas.

 DOMIN KARIN LABARAI DA KARIN BAYANI KO TAMBAYA, A ZIYARCI SHAFUKAN SADA ZUMUNTA 

FACEBOOK: https://www.facebook.com/northernstartv/  
TWITTER: https://twitter.com/northernstartv  
https://www.linkedin.com/in/northern-star-television-6660bb162/
ZAKU IYA TURO RA'AYOYINKU 'A  nstv@tstvafrica.com KO northernstartv@gmail.com
DOMIN TALLA: http://northernstartv.blogspot.com/p/siyasa.html