BUHARI YA YI GANAWA TA MUSAMMAN DA SHUGABANNIN RUNDUNONIN TSARON KASAR NAN

Shugaban Kasa Muhammadu Buhari ya gana da shugabannin rundunonin tsaron kasar nan a fadar sa ranar Litini.

 

Makasudin wannan ganawa kuwa shine domin a tattauna halin da ake ciki musamman abin da ya shafi tsaro a kasar nan da kuma yaki da Boko Haram da ake yi a yankin Arewa Maso Gabashin Najeriya.

Shugaba Buhari ya hore su da su maida hankali matuka a aikin su sannan su tabbatar ana samun nasara a ayyukan tsaro da aka sa a gaba.

A Lahadin da ta gabata Boko Haram sun kai hari kauyen Mailari dake yankin Guzamala a jihar Barno inda akalla mutane 19 suka rasu a sanadiyyar wannan hari.

Sai dai wani ma’aikacin sansanin ‘yan gudun hijira da ke yanki da ba ya so a fadi sunan sa ya bayyana cewa a dalilin wannan hari mutane 63 ne suka rasa rayukan su.

Da ya ke tofa albarkacin bakin bayan ganawar, ministan tsaro Mansur Dan-Ali rundunonin tsaro na kasa za su ci gaba da yin aiki tukuru domin ganin an sami wanzuwar zaman lafiya a kasa Najeriya.

” Dakarun Najeriya suna kokarin gaske a musamman jihohin Zamfara, Benuwai, Kaduna da sauran sassan kasar nan, za a ci gaba maida hankali wajen ganin an kau da ayyukan masu tada zaune tsaye a fadin kasar nan.” Inji Dan-Ali.

DOMIN KARIN LABARAI DA KARIN BAYANI KO TAMBAYA, A ZIYARCI SHAFUKAN SADA ZUMUNTA 
FACEBOOK: https://www.facebook.com/northernstartv/  
TWITTER: https://twitter.com/northernstartv  
https://www.linkedin.com/in/northern-star-television-6660bb162/
ZAKU IYA TURO RA'AYOYINKU 'A  nstv@tstvafrica.com KO northernstartv@gmail.com
DOMIN TALLA: http://northernstartv.blogspot.com/p/siyasa.html