KASASHEN DUNIYA NA CI GABA DA JIMAMIN MUTUWAR KOFI ANNAN

Kasashen duniya na cigaba da nuna alhini dangane da rasuwar tsohon babban magatakarda na MDD Kofi Annan, wanda ya rasu a yau asabar yana da shekaru 80 a duniya.

Mista Annan ya jagoranci Majalisar dinkin duniya tsakanin 1997 zuwa 2006, kuma shi ne dan asalin Afirka bakar fata na farko da ya taba rike wannan mukami a cikin wani yanayi da duniya ke fama da ringingimu iri iri.

Ana dai bayyana Mista Annan dan asalin kasar Ghana a matsayin daya daga cikin wadanda suka gudanar da jagoranci nagari a majalisar.

Gwamnatin Ghana ta sanar da ware tsawon mako daya domin zaman makoki samakon wannan rashi, yayin da kasashen duniya suka bayyana Kofi Annan a matsayin jagora abin koyi.

Shugaban Faransa Emmanual Macron ya bayyana shi da cewa mutum ne da ya yi gwagwarmaya a duk tsawon rayuwarsa, kamar dai yadda shugaban Rasha Vladimir Putin ke cewa dattijo ne kuma mai kuzari.

Jakadiyar Amurka a MDD Nikki Haley, ta ce har kullum duniya za ta cigaba da tuna tsohon babban magatakardar na Majalisar, yayin da Antonio Gueterres ya bayyana marigayin a matsayin da cewa mutum ne da ya yi jagoranci zuwa ga tarfaki nagari.

DOMIN KARIN LABARAI DA KARIN BAYANI KO TAMBAYA, A ZIYARCI SHAFUKAN SADA ZUMUNTA 
FACEBOOK: https://www.facebook.com/northernstartv/  
TWITTER: https://twitter.com/northernstartv  
https://www.linkedin.com/in/northern-star-television-6660bb162/
ZAKU IYA TURO RA'AYOYINKU 'A  nstv@tstvafrica.com KO northernstartv@gmail.com
DOMIN TALLA: http://northernstartv.blogspot.com/p/siyasa.html