JAMI’AN TSARO SUN TARWATSA MAGOYA BAYAN PDP DAGA WAJEN GANGAMI

Jami’an tsaro sun tarwatsa magoya bayan jam’iyyar PDP daga filin gangamin da jam’iyyar zata yi gabannin zaben gwamna a jihar Ekiti.

Mambobin jam’iyyar sun taru a shahararren wajen shakatawar nan na Fayuyi dake Ado Ekiti, babban birnin jihar a ranar Laraba kafin a fara harbe-harben bindiga a sama.

Bayan nan, Gwamna Ayodele Fayose yayi yunkurin jagorantar magoya bayan zuwa filin taron sai dai hakan bai yiwu ba bayan jami’an tsaron sun sake harba bindiga a sama.

Hakan ya sa an juya akalar taron zuwa harabar gidan gwamnati inda aka sanya ran Gwamna Ayodele Fayose da sauran shugabannin PDP zasu yi jawabi ga mambobin jam’iyyar.

Ku biyo mu a shafukanmu na dandalin sada zumunta

https://www.facebook.com/northernstartv/

https://twitter.com/northernstartv

https://www.linkedin.com/in/northern-star-television-6660bb162/

Zaku iya turo mana ra’ayoyin ku a nstv@tstvafrica.com KO northernstartv@gmail.com