Gwamnonin jihohin Najeriya 36 sun bukaci Shugaban kasa
Muhammadu Buhari da ya yi gaggawar fito da wadanda suke da hannu a kashe -
kashen da ake yi jihar Filato kuma ya dauki kwakkwaran mataki akan su wurin
gabatar hukunci akan su
A zaman da gwamnonin jihohin Najeriya suka yi a Abuja jiya,
gwamnonin sun bukaci yin taro da manyan manyan kasar nan domin kawo karshen
kashe - kashen da ake yi a jihar. Shugaban kungiyar gwamnonin na Najeriya,
Abdulaziz Yari, wanda yayi magana da manema labarai jim kadan bayan sun tashi
daga taron, gwamnan yace sun tattauna akan abubuwa da dama da suke addabar
kasar nan musamman ma kashe - kashen da ake yi a jihar Filato. Bayan haka kuma
gwamnonin sun nuna godiyar su ga shugaban kasa Muhammadu Buhari da Mataimakin
sa Yemi Osinbajo da irin kokarin da suke nunawa domin ganin an kawo karshen
rikicin a jihar. Sannan sun bukaci shugaban kasa Muhammadu Buhari da yayi iya
bakin kokarin sa wurin hukunta duk wanda aka kama da laifi a kashe - kashen da
yake faruwa a jihar.
Ku biyo mu a shafukanmu na dandalin sada zumunta
Zaku iya turo mana ra’ayoyin ku a nstv@tstvafrica.com
No comments:
Post a Comment
Ku bada ra'ayoyin ku